《Birth Of Pang Henry》
=================================================
睇緊Star Wars:Phantom Menace,,,,,,,
有新Netbook真係好，可以一面係客廳上網，一面睇電視

=============================================================

Star Wars:Phantom Penace,,,,,,,係我(7歲)記憶中第一套入戲院睇既戲
記憶中，我打後果五年既小學生涯，我一直係一個Star Wars狂迷,,,,,,,,
點知，原來,,,,,,我到目前為此既一生，都因為呢套Star Wars而變成左咁既樣子
========================================================
我一直以為我一生既所有遭遇都係由基因同埋命運組成,,,,,,,,
以為基因命運，令我對體操，科學，電腦，武術等有興趣

其實原來，我鐘意體操，係因為咁岩套戲上果陣小學體操組招新生
我睇完Star Wars入面Jedi跳黎跳去咁勁，當然想照樣學樣
咁，就入左體操組5年，
咁，就玩左FreeRunning，
咁，就令我入左B-Boy 團體 SrCrew
咁，就令我係禮堂做左我人生最滿意既一個表演

其實原來，我鐘意科學，係因為當時激光交錯既場面令我驚嘆十分
令我對科學，天文產生左極厚興趣
咁，就令我由細細個開始不斷睇科學書
咁，就令我入左物理組
咁，就令我入左科學青苗
咁，就令我入左科學英才精進計劃,,,,,,,成為左”基因改造大JJ” XD

其實原來，我曾經鐘意電腦，係因為當時沒咩途徑知道Star Wars野
唯有互聯網，我先可以不斷睇有關Star Wars既野
咁，就令我以7歲之齡開始左我既上網生涯
咁，就令我俾人地早幾年掂電腦
咁，就令我係中一果年以壓倒性既姿態拎左電腦科第一
咁，就令我入左PCOI Team

戲入面既幾個空翻，令我對武術，體操迷著
Jedi手中既激光劍，激起我對科學既興趣
對Star Wars既熱誠，成為左我日後通往電腦既路道

原來當日Star Wars: The Phantom Menace所種既根
結成左今時今日Pang Henry呢一個果
真有趣
=======================================================
咁你，搵到自己既根未呢﹖