大個仔係我~(1)

如果呢個世界有輪迴既話，咁我既前世臨死前應該就沒講過

既然唔係一個好漢，咁我係呢十八年黎究竟做過D乜呢?

好，Rewind一下先~
========================================================================
Em，首先係幼稚園……沒印象

咁小學呢……好似又太唔記得

吓，咁都唔記得? 沒錯……我唯一記得小學果陣好鬼平庸，好鬼普通，又沒咩Fd (其實依架都唔好得幾多XD)，係去到中學先叫做識番少少人……

中學呢，好似都有少少記憶……好，咁就由中學講起喇!

Form 1 : 正常番學生活沒咩印象，淨係記得個English Summer Camp 俾Papa Alex 教 and “triggered my intrinsic motivation of learning English” XDXD.
  Papa Alex 真係the best mentor I have ever met……試問邊會有老師會放棄自己幾個星期既Weekend去幫學生補課?邊會有老師會用幾千蚊去買聖誕禮物俾學生?邊有老師會對學生會對到好似自己真正親生仔女咁?……….所以我就叫做Pang Henry喇!!!
http://www.facebook.com/v/65357571778
吓，你叫Pang Henry同Papa Alex有咩關係呀?關係就大囉，因為”想當年”…Alex曾經望住我張Worksheet 話 :”Henry呀，你不如唔好叫Henry Pang，叫做Pang Henry 喇”  我:”吓?” Alex:”因為Stylish呀麻!”………沒錯，就係呢句”Stylish”，我個名就由Henry Pang轉左做Pang Henry (我Facebook都特登Set做Pang Henry，而唔係正常既Henry Pang黎架~)

Form2,Form3: 開始有番D Friend，例如小魚，譚龜，馬子，Ks，旦，伯爵，小銓子 etc.etc. 其餘既事情……都唔係幾記得 玩野呀!?咁近都唔記得?係咪想打少D字偷懶呀?…… 嗯，沒玩野……呢個問題一陣間會傾到……

Form4 : 成年Form4可以話係沒咩讀過書(雖然F4之前都沒咩讀過)……成年就係度玩玩玩……科學英才，科學青苗，HKOI，Break Dancing ，睇小說  +煲劇+打機(因此多左200度近視@@)。雖然話係玩，但係個人可以話係成長左，明白到好多知識原來書本係沒教既……例如經過左好多次碰釘撞板之後，我開始明白到出街，係唔可以著波鞋運動褲…… 唔係只會俾人笑(雖然我到依家都覺得波鞋運動褲係幾舒服XD)   但係點都好，呢一年紿終係我咁大個仔最開心既一年(玩足成年仲唔開心?XD)

Form 5: 咦，話咁快又會考……但係我地呢班唔知死既柴娃娃仲係戇居居咁既樣 大家一齊玩下玩下咁就去到Last Day喇……就係呢一日，我終於發現我既記憶力原來係有D問題…..

LastDay當日，唔知邊個突然玩”相認”，即係例如”培正小五信”既同學就走埋一堆影相，”培正K2A班”又走埋一堆之類……

跟住，我突然之間好迷惘…..吓，點解大家仲會記得小學幼稚園讀邊班既?聽佢地相認，睇黎佢地好似仲好記得以前既校園生活…….點解會咁既?…..

沒錯，原來我對大部分過去左既事情都沒咩記憶力…….係果日之前，我仲以為所有人都係咁，同我一樣對以前既事沒咩回憶……但係經過多番打聽之後，我終於發現原來係得我係咁…..Last Day 當日，我既心情即刻—> 呢個亦都係我點解沒係上面講我細個果陣D”故事”既原因…

不過過左幾日諗番，其實”善忘”都不失為一件好事呀…….有咩衰野唔開心野過一排咪咩都唔記得晒囉xdxd 何況呢個問題根本對我日常生活沒咩造成大影響，唔洗理佢，哈XD
==========================================================================
Mock，Study Leave，跟住打大佬 !!!!

第一科，IH—–臨考之前果幾日，PapaAlex同我地由朝早溫書溫到黃昏，而佢呢個咁有Heart既舉動就直情吸引埋另一班IH班既同學黎”補課” XD

考果日，PapaAlex竟然係試場監考員，咩野緊張呀壓力呀即刻沒咁大半……一打開份卷，見到D Question好多都係PapaAlex之前同我地重點溫過果D野……一面考一面心諗:”今舖實食沒痴牙喇“
寫寫寫，寫足全場，一考完果下望下D培正人，個個都好似OKAY有信心，自己都心諗”沒死啦今Round~”………誰不知…….呢一科，亦成為我會考入面最差既一科…..不過呢D都係後話喇，下一篇再講…….

第二科，Physics—–之前科IH有Alex同埋成班同學仔一齊去考，沒咁驚，但係今次Physics就係自己一個單刀赴會……壓力，自然比之前科IH大…..尤其是係臨考前等果段時間，溫Notes又好似唔係太入腦，溫Past Paper又好似沒咩用，搞到個人都有少少”唔知點咁”……好彩一開考，個人即刻回魂，唔係就真係”賴野”囉!!

一番到去，就即刻上lsforum對答案……點知D答案有成十鬼幾個版本，呢個又話”名師xxx MC答案”，果個又話”名校全級第一Full Anwser!!!”，最死既係佢地既答案係會隨時間更改…….真係好似KenChan咁講:”三時花，六時變，七時發花癲”……..最後，我足足花左成日去搵同埋對答案，諗番起都幾白痴=-=”

第三科，CIT—–一考完就差D想大叫”____喇今舖”…….當日真係即刻灰晒……果陣真係覺得辜負左個個So-called “第一”既名譽……果日不斷係度揼心口，點解D咁淺既野都會唔識…..雖然最後結果的確係得左，但係灰足一日的確係事實…….

第四科，中文——哈，呢一科異常輕鬆，因為未開波已經抱住”有2就滿足”既心態，求求祈祈是是旦旦咁就考完……..鬼叫考評局成日出D咩”見鬼勿O咀”，”文章哪段運用了幽默(其實成篇文都悶到Hihi)”…..溫左=沒溫，零壓力~

第五科，數學——原本考完既心情都Okay，BUT!!!!!!![九把刀上身]人生最機八就是這個BUT!!!![九把刀上身]……..我就做左一件成個會考入面最錯既野……上網對答案…….

唔對由是可，一對灰鬼左……成個Lsforum都充斥住D咩”我MC岩晒呀”，”今年易到爆”，”岩少過30題正白痴”，”錯3題實沒A，唔係我切J”之類之類咁既Reply……睇完……灰到會考尾都仲灰緊…….所以當時打左一篇咁既野
http://panghenry.xanga.com/700151495/maths-ce/
當時真係覺得自己好沒用，即刻覺得自己CE沒希望…….BUT!!!! [九把刀又黎啦] 人生最反骨的就是這個BUT !!!!!   我……..A左

點解我淨係emphasize我呢科既既A，但係沒咩提及其他科既A呢?

其實我係想提一提各位同埋未來都要考AL既自己……..考完試千祈千祈千祈千祈千祈千祈千祈千祈千祈千祈千祈千祈千祈千祈千祈千祈千祈唔好對答案呀!!!!!!(雖然臨考前個個前輩都千叮萬囑我地唔好上網Check Answers……)因為網上D人講大話沒opportunity cost……但係求求祈祈吹下水就足以打沈你同埋其他對手………問題係，你又吹佢唔漲喎!!!

所以鬼唔望果班咁既”有心之士”
+ +
==========================================================================
好，打到呢道抖抖氣先，之後果篇可能會再打埋

1.CE其餘既科目
2.萌生入恒商呢個諗頭既起源
3.So called “試後活動”
4.恒商生活
5.轉入男拔既原因同埋一開波揀左恒商既原因

再再下一篇就可能會開始傾傾男拔既野，大綱呢…..就寫左大半，應該都幾多野講